لماقالوا الفجر شقشق
قلت أدقق ف النظر
يمكن ألقي الدنيا قلبت
والضباب أصبح قمر
بس الحق أقوله إني
ماكنتش مصدق الخبر
يعني سواد الليل يعدي
ألقي إتغير القدر
قلت يمكن نظري أضعف
م النهار إللي اتعرف
بصيت ف وشوش الناس
إني ألقي لده أثر
الوشوش هيه الوشوش
والحجر هوه الحجر
لا الدنيا تتغير ولا الولا
يكبر يشب
يقوم من كبوته
وف ثانيه يبقي أب
دا القرار محتاج سنين
محتاسين إنت وأنا
والدنيا نازله فينا هز
وأفضل أنا برده أنا
ما الدنيا نازله فينا جرح
ولا يوم حتهز راية فرح
فحفضل أنا هوه أنا
ومهمن فجرك شقشق
إوعي تدقق
ساعات ويروح
ويطل الليل بسواده
يزيد حيرة المجروح