م الدنيا الشكل إتغيّر
عجّزت وسنّي صغير
دايساني الدنيا برجليها
مش حاسس فرحه ف معانيها
محتاج للحاجه اللي تحسسني
بعنواني وانا ايه فيها
أنا فيها عجوز وخلاص
ولا انا كتلة إحساس
ولا انا ماشي وحاضن أحلامي ومداريها
خايف للناس تشوف الاحلام تطمع فيها
مهموم م الدنيا اللي بتتغيّر وأنا ثابت
أحلام للبيع أخلاق سابت
حتسيبني الدنيا أنا علي حالي
ملبوخ متكركبه أحوالي
ولا المستقبل جاي أجمل
أستنّي الفرحه أنا وأستحمل
ولا دا حلم جذوره عنيده
وإيد الفلاح عنّه بعيده
ماأقدرش أسيبك حلمي
تاخدني بعيد
وأسرح بخيالي
ف غنوة ليلة عيد
وبدال الليله
أستنّي ليالي
يهل هلال العيد
أستنّي ليالي
يهل هلال العيد
Gehad:
ردحذفحلوة اوى اوى يا مروة
هيييييييه ويعدى عيد ورا عيد ورا عيد
ومن فيهم اللى بجد هحس انى سعيد
تحياتى يا مروة بجد رااااائع
شكرا ياجهاد والعيد الجاي يارب سعيد
ردحذف