أد إيه المصري جميل أصيل ونضيف أوي من جوّه طبعا بتكلم عن الفئه الحلوه ديه عارفه طبعا ان فيه العكس لكن موضوعي الناس الحلوه الناس اللي بتدمّع لما تفرح والاجمل لما دمعتها ديه تكون لفرح غيرها
دايما تلاقيها ف الفرح ووقت الشده. وجمالها في وقت الفرح مايقلّش عن جمالها في وقت الشدّه ودايما تلاقيها جنبك بالدعاء والصلاه اللي يمكن يكونوا مش مواظبين عليها في الايام العاديه
وياسلام لما تلاقيهم بيجروا هنا وهناك عشان يعملوا حاجه يادوب ممكن تفرحك مش حتي محتاجها
أد إيه الناس ديه جميله.....حتاخد إيه من ده غير ان قلبها بيفرح لما تفرّح غيرها
وهسلّط الضوء علي تجربه مرّت بيا من امبارح لناس من غير ماينووا حبوا يقفوا مع حد برده من الناس وبالرغم ان الناس ديه كل واحد فيهم له عيوبه ومشاكله مع التاني
لكن بمجرد ماجات الفرصه بيوتهم اتفتحت لبعض, شركات المحمول إستفادت منهم كتييييييير, الشوارع كانت فيها منهم اللي بيدور علي وسائل تكنولوجيه عشان تفرّح الانسان ده , وناس يمكن مش بتدخل بيتها إلا ع النوم اليوم ده رابطوا في بيوتهم بس عشان واحد منهم ماتربطهومش بيه رابطة دم لكن تربطهم بيه روابط تانيه يحسدنا عليها اللي بيفتقدها,ناس سابت مشاغلها وسابت دراستها وكتير أشكال كتير خلتني علي أد اليوم ماكان عصيب علي أد مافرحوني وأدخلو ا السرور علي قلبي وحسسوني ان فعلا الدنيا بخير
تحياتي ليكوا جايز مش أنا الحد اللي عملتوا كده عشانه لكن ولإني بفرح لكل واحد فيكوا زي مابفرح لنفسي لأ هوه الحقيقه أكتر بكتيييييير ما بفرح لنفسي فاللي شوفته منكم فرّحني وخلاني حاسه ان ده اتعمل معايا انا شخصيا
الناس ديه بعتز بيها وبرجو ربنا يجمعني بيهم في الفردوس الأعلي
أولا مبارك علي المدونه ومرحبا بيكي يا مروه
ردحذفثانيا : الانسان ده تركيبه عجيبه اسود علي ابيض والعنيني الحلوه هي اللي بتشوف الابيض بس وتتعامل معاه
ودي عنيكي يا مروه
خالص ودي
شيماء ياحبيبتي فرحانه أوي وأتشرف إني أشوف تعليقك منور هنا
ردحذفوربنا يحلّي عنيكي الحلوه اللي بتشوف الحلو كله